Les Inédits

Les chansons qui n'ont pas (encore) trouvées leur place sur un CD se trouvent ici. Nouvelles compos, inspiration du jour, textes en attente de muzik, round pagan pour petits et grands.... en Français, e Brezhoneg....

Catégorie

Reuz er c'hoad

Banne glav ebet ‘baoe bloaz
Disec’h eo ar c’hoadoù siwazh
Teñval du buhez al loened
Trist kenañ ha fall galonet

‘R pezh taol arnev a-daol-trumm
Glav ha luc’hed ha kudurun
‘R burzhud kaer war an draonienn
‘L loened troet da sonerien

Nag a reuz Nag a reuz
Nag a reuz er c’hoad
Nag a reuz Nag a reuz
Nag a reuz er c’hoad

Trompilh gant an aotrou lapin
Violoñs skiltr gant an heureuchin
Gitar lektrik gant ar bleiz,
Bombard gant ar pemoc’h gouez

Piano tredan ar c’hazh-koad
Boest an diaoul oa gant ar c’had
Gant al louarn ‘n dreujenn gaol
Al laboused ‘ren an holl

Diskan

Sul d’an noz ‘oa Rap Opera
Merc’her ‘oa un Tekno Salsa
Sadorn fest-deiz ha fest-noz
Gwener Reggae ar re gozh

Met ar gwez a lâras : O !
‘Walc’h ! a gleme ar gwez dero
Sioul ! a huche ar gwez gistin
Kit da sutal ! Ar gwez ivin

Diskan

Nag ar reuz ‘me ar sorserez
Tan a vezo ! Taolit evezh !
Gant a reuz n’hellan ket kousket
Sioul ‘mod-all vo ket glav ken

Kerkent renket ar binviji
Deuet oa ar sioulder en ti
Holl oant distroet ‘n o glud
Gwez, sorserez o roc’hal yud

Diskan 3
Nag a roc’h Nag a roc’h er c’hoad
Nag a roc’h Nag a roc’h er c’hoad
Nag a roc’h Nag a roc’h er c’hoad
Nag a roc’h Nag a roc’h er c’hoad


Ar fungarr

1/ Gantañ e pignomp uhel

Hag e welomp ar c'hastell

Gantañ e pignomp goustadik

Pa gren e krog ar hillig

Diskan:

Pignomp'ta 'barzh ar fungarr

Gwelet'vo'bern traoù dispar!

Deomp gant an teleferik

Da welet ur bern traoù chik!

O ! O ! O ! O !

O ! O ! O ! O !

2/ Gwelet e vez an tour Tangi

Ouzh o stag war ar Penfell

Luskellet gant an avel...

3/ Gwelet a rimp pont Rekourañs

Pelloc'h un tamm war al lenn-vor

Kalz Listri deuet d'ar goudor

4/ Mont a rimp d'ar Gapusined

Da adkavout hor mignoned

Holl asambles 'vit kanañ

En eil abadenn DEUS'TA


Aiou

Deus'Ta

Aiou

opopop
O! Me ‘m eus poan e toull va fri,
Ha mammig roio din louzoù.

Diskan
Aiou la la la la la la la la la la la la la la
Aiou la la la la la la la la la la la la la la la
2
O! Me ‘m eus poan e toull va skouarn,
Ha mammig ‘roio din louzoù.

3
O! Me ‘m eus poan e toull va gouzoug
Ha mammig ‘roio din louzoù.


Titi an dolfin

Bihan eo Titi an dolfin
Sot pitilh gant ar bezhin
Spontet gant Rex ar rikin
Gwall debrer pesked fin

Fons ar mor en doa kavet
Ur c’houfr boemus kuzhet
Gouarnet gant ur c’hraken
Dezhañ brec’hennoù lemm

Klasket gant lod laerez ‘nezhan
Paket brav e oant bet gantañ
Troet da gorfoù-eskern.
Brasoc’h brasañ ar bern

Titi gant e vignoned
‘N dourvarc’h hag an unkorneg
Zivizas laerez en tenzor
Digant ar c’hraken lovr

Kontamniñ rejont anezhañ
Gant an ampoezon fallañ
‘N ampoezon ‘lak an holl
Da zañsal Rock and roll

Dañsal ar rock e kement lec’h,
En ti en traon en ti en ec’h
Er c’hav hag er c’halatrez O !
Betek er c’horniou prevez

Hag aet ‘oa kuit ar c’hraken daonet
Hag ar c’houfr bras oa bet digoret
Petra an diaoul a oa ennañ O !
Karotez bras-kenañ.

Ha taolet ‘bet ur garotezenn
B Diouzhtu war gein ur pezh mell wagenn
Erru’t ar garotezenn O !
War draezhenn ar Vilin Wenn.

Ul lapin bihan en doa he c’hrignet,
Ha buan-ha)buan en doa he lonket!
Ha eñ o kregiñ da zañsal O !
Ar rock’n’roll betek Gwital


Skol drol

E-barzh va c’hlas
O c’hoari las
E vez bepred
Poulpikaned

Diskan :
E barzh va skol ! A ! A !
Na pegen drol ! A ! A !
Ez vez ur bern traoù droch
E barzh va skol ! A ! A !
Na pegen drol ! A ! A !
Ez eus ur bern traoù droch

Ur pezh likorn
A zebr dienn skorn
‘Kreiz ar c’hantin
Tost bep mintin

Er privezioù
Ez eus madigoù
El levraoueg
Ez eus milk-shake

Hag er skol-vamm
‘Zeus un tasmant
A zebr fritez
Gant ar vestrez

Bugaligoù
O seniñ binioù
A vez klevet
'Barzh an oaled

Ur suner-gwad
O c’hoari melldroad
Gant un den-bleiz
Hag ur vorganez


C'hoazh o huñvreal

Azezet war va c'hador emaon c’hoazh oc’h huñvreal
Enouet on un tammig gant istor bras Bro C'hall.
Azezet war va c'hador er mor emaon o neuial
War gein mell olifanted ne blij ket dezho dour sal

N'on ket, n’on ket, n’on ket dedennet kalz
Gant ar pezh, gant ar pezh, gant ar pezh a welan bemdez.
N'on ket, n’on ket, n’on ket dedennet kalz
Gant ar pezh, gant ar pezh, gant ar pezh a welan bemdez.

Azezet war va c'hador emaon c’hoazh oc’h huñvreal
Touchennoù an urzhiataer ‘zo redek war va lerc'h.
Azezet war va c'hador emaon va un’ o pourmen
E karr ur vuoc'hig doue a roul e-kreiz an hent.

Diskan

Azezet war va c'hador va gomenn ha va stilo
O c'hoari gant laboused e-barzh koufr bras an oto.
Azezet war va c'hador atav ‘maon o huñvreal...
Asterix hag Obelix gant un tutu o nijal.

Diskan


Krgn krgn

“Krgn! Krgn!Krgn!“ deus ta

“Krgn! Krgn!Krgn!“
Eme al logodenn

« Ai! Ai! Ai! »
Eme an tamm formaj

“Krgn!Krgn!Krgn!“
Eme al logodenn

« Ai! Ai! Ai! »
Eme an tamm formaj

HSLOUP!!!

“Houm! Houm!”
Eme ar c’hazh …..

Bizminiaou……!!!!


Soubenn ar patatez deus ta

Dec’h da noz em boa debret soubenn,
Soubenn
Soubenn ar patatez,
Patatez.
Dec’h da noz em boa debret soubenn,
Soubenn
Soubenn ar patatez,
Patatez.

Ha va mamm ‘doa lâret din:

Dibab ul loa, dibab ul loa,
Dibab ul loa, ………… dibab ul loa.

Er mintin-mañ ‚m eus debret soubenn,
Soubenn ar patatez,
Ha va mamm ‘deus lâret din:

‘Maon o vont da zebriñ soubenn
Soubenn ar patatez, patatez.
Ha va mamm a lâro din:

N’em bo ket ken a soubenn:
Soubenn ar patatez, patatez.
Rak va mamm a zo o paouez

Lipat he loa, lipat he loa, Lipat he loa, lipat he loa.

Lipat he loa, lipat he loa, Lipat he loa, lipat he loa.


Round ar redadig

Round Ar «Redadig »

1
Al lapin bihan hag ar c’hi
O tañsal round en dro d’an ti

Diskan
Fardigoudennig tralala
Vit ar redadeg rigordennig
Vit ar brezhoneg rigordo

2
Al logodenn hag ar c’hazh
O tañsal round en Enez Vazh

3
Al louarnig hag ar yar
O tañsal round ‘barzh an ti gar

4
Ar rekin glas hag ar vaot
O tañsal round war vord an aod

5
Ar sparfel rouz hag an dred
O tañsal round a-raok ar pred

6
Ar silienn hag ar c’hrank
O tañsal round e-barzh ar fank


Round ar vugale
« Kig ha fars »

Me m eus 10 sac’had kig ha fars
Ur bern traou mat a zo e-barzh

Me m eus 10 sac’had kig ha fars
Ur bern traou mat a zo e-barzh

Kargañ kargañ atav
Ur sac’h goulo ur sac’h goulo
Kargañ kargañ atav
Ur sac’h goulo chom ket en e sav

Kargañ kargañ atav
Ur sac’h goulo ur sac’h goulo
Kargañ kargañ atav
Ur sac’h goulo chom ket en e sav

Hag all