KOUMOUL DU - 2014

EN DA ZAOULAGAD

1
En da zaoulagad, hon eus lennet alies
Ar bravañ levr, hini ar vuhez
En da zaoulagad, pajennadoù
E glas, kizellet kaer a c'herioù

2
En da zaoulagad, gerioù laouen
O fringal evel ur ganaouenn
En da zaoulagad, gerioù karantez
O vouskanañ gwirionez ha levenez

3
En da zaoulagad, tonioù dañs
O lidañ madelezh hag an doujañs
En da zaoulagad, c'hoarzhadennoù
Fent alies ha kounnar a-wechoù

4
En da zaoulagad, treset an talar
‘Vit hadañ hor yezh a zo en arvar
En da zaoulagad, emañ da galon
Ur galon aour, pinvidigezh gwirion

5
En da zaoulagad, hon eus lennet alies
Ar bravañ levr, hini ar vuhez
Lennet ha desket hon eus al levr
Pajenn-ha-pajenn dindan envor

6
En da zaoulagad, hon eus lennet alies
Ar bravañ levr, hini ar vuhez
Da zoualagad 'peus sarret bremañ
’Maomp krog da gelenn anezhañ

KRGN KRGN KRGN

“Krgn! Krgn!Krgn!“ Eme al logodenn
« Ai! Ai!Ai ! » Eme an tamm formaj
“Krgn!Krgn!Krgn!“ Eme al logodenn
“Manam! Manam!” Eme ar c’hazh …..Bizminiaou

Ar Viskoulenn

Diskan :
N’eo ket aes
‘Vit ar vizkoulenn
Mont er maez
‘Vit mont da bourmen

‘Gred ket goulenn
Un tamm skoazell
Kalz re lent
Eo an dimezell

Krogomp ‘barzh
Kasomp anezhi
Er park glas
Evit gellout peuriñ

Met arabat
Kas anezhi
Da batoulhiat
Oar ket neuiñ

Ne oar ket neuiñ
Hep bikini
Hag he hini
‘Mañ ket ganti

Gwelloc’h ganti
War an teven
Chom da beuriñ
Geot ha melchon

Ar viskoulenn
A zo laouen
War letonenn
Bro Vigouden

KOUMOUL DU

1
Koumoul du, koumoul du
Kit d’ar gêr kit d’ar gêr
Koumoul du koumoul du
Kit d’ar gêr diouzhtu

2
Koumoul gris koumoul gris
Tec’hit kuit, tec’hit kuit
Koumoul gris koumoul gris
Tec’hit kuit war ho kiz

3
Amzer fall amzer fall
Kae da sutal kea da sutal
Amzer fall amzer fall
Kae da sutal ‘n ur vro all

4
Barroù glav barroù glav
Kit da c’hlebiañ Kit da c’hlepiañ
Barroù glav barroù glav
Kit da c’hlebiañ da bell vro

Paouezit da glemm
mod all an tamm douar
M’ en deus banne ‘bet
A vo sec’h ha kras

Paouezit da glemm
mod all an tamm douar
M’ en deus banne bet
A vo sec’h ha kras

5
Koumoul du koumoul du
Deuit d’ar gêr Deuit d’ar gêr
Koumoul du koumoul du
Deuit d’ar gêr diouzhtu

6
Koumoul gris koumoul gris
Deuit en-dro deuit en-dro
Koumoul gris koumoul gris
Deuit en-dro war ho kiz

7
Amzer fall amzer fall
Deus da sutal deus da sutal
Amzer fall amzer fall
Deuit da sutal ha da strakal

8 Barrou glav barroù glav
Deuit da c’hlebiañ
Deuit da c’hlebiañ
Deuit da c’hlebiañ ar vro

ME AM BO

Me am bo ur c’harr-nij
Evit mont da bourmen da bourmen
Me am bo ur c’harr-nij
Evit mont da bourmen Mar plij!

Me am bo ur c’harr-samm
Evit mont da bourmen da pourmen
Me am bo ur c’harr-samm
Evit mont da bourmen gant va Mamm

REVERDI VRAS

Reverdi vras
‘Vo ‘benn warc’hoazh lon la
Ni ‘z ay d’an aod
Da glask pizh-aod

Tre a zo fardigougo
Nag a frete fardigoude

Troet al lanv
Deomp en-dro lon la
Prest e vo gourlenn
Harp ar mor en tevenn

Ha ni war ar vri
E-kreiz ar peuriñ lon la
A zebro hor merenn
Brennig ur guchenn

SKOUARNIG O KIMIADIN

Opopop !! Ruzig ha Melenig
Opopop !! Oc’h ober gillig gillig

Ur wezh va skouarn melen
War-lerc’h va skouarn ruz

Opopop poent ober ur c’houskaig
Opopop ‘barzh va malizennig

D’an holl e roan ur pokig
Ur pokig a-berzh Skouarnig

SPONTUS

Spont spont spontus eo
Ar bleiz a zo errv
Spont spont spontus
Deomp da guzhat en ti kolo

Spont spont spontus eo
Ar bleiz o c’haloupat
Spont spont spontus eo
Deomp da guzhat en ti koad

Spont spont spontus eo
Ar bleiz o tistreiñ ein
Spont spont spontus eo
Deomp da guzhat en ti mein

Ouf

SKOURNIG O SALUDIN

Opopop !! Piv a zo oc’h ober trouz
Opopop !! E-kreiz va c’housk

Dihunet peus ac’hanon
Lammat a ra va c’halon

Opopop !! Va anv n’eo ket friig
Opopop !! Na kofig na lagadig

Ganet on en neizhig
Va anv a zo Skouarnig

TRO AN TI

Ober ran tro an ti
Serriñ a ran ar boliji
Sec’hañ va div votez
Hag un dro d’an alc’hwez
Digeriñ ran an dor
Ha plop! Er goudor!

BOUBOU

Boubou da va fenn
setu paket ar boan benn
Boubou da va gouzoug
Setu paket ar boan gouzoug
Boubou da va c’hof
setu paket ar boan gof
Toudoudoud toudoudoud
Setu karr an aotrou Poulloud
Tididin tididin
Erru ar medisin

DOUAR DOUR HA TAN

1
Dour dour dour
Vit gounit karotez ha pour
Dour dour dour
Vit gounit karotez ha pour

2
Tan tan tan
Da dommañ e goan da Yann
Tan tan tan
Da dommañ e goan da Yann

3
Douar douar douar
Vit kreskiñ mat d’ar mouar
Douar douar douar
Evit kreskiñ mat d’ar mouar

4 Dour, dour, dour
Vit gwalc'hiñ an daouarn lous
Dour, dour, dour,
Vit livañ gloan dañvad dous

5
Tan, tan, tan,
Vit sklerijennañ ho ti
Tan, tan, tan,
Vit ijinañ patati.

6
Douar, douar, douar,
Vit hadañ geot ha bleunioù.
Douar, douar, douar
Vit sevel boloumigoù

VA LAGAD

Va lagad n’eo ket mat
Va genou a zo a dreuz
Va gouzoug a zo mouk
Va fri zo o tiveriñ
Warc’hoazh vintin
Ez in da gaout ar medisin
Digantañ em bezo louzou
Digant va mamm ur dornad pokoù

NE FELL KET DIN KEN

Ne fell ken din ken mont d’ar skol
Ar skolaerez ar skolaerez
Ne fell ken din ken mont d’ar skol
Ar skolaerez n’eo ket drol

1
N’am eus ket c’hoant ken chom da zebriñ er c’hantin
Bemdez kaol-fleur, rabez ruz, pour hag irvin
2
Morse, n’on bet tik war ar matematik
Kentoc’h barrek evit ober skol al louarnig
3
Staotat dru a ran alies war ar re all
Bep sizhun ma ez eomp d’ar poull neuial
4
Skein a ran gant kement den zo war ar porzh,
Paotred ha melc’hwed me ne ran ket forzh
5
Me gav gwelloc’h mont da zifoupañ neizhioù
Krougañ kizhier ha c’hoari gant o bouzelloù
6
Er skol, ez eo en emgavet unan nevez
Ur plac’h adarre, unan eus Menez Arre
7
Re varv eo Maria, Re vrav re varv re vrav
Kalz Re c’hlas he daoulagad, re velen he blev

Fellout a ra din mont d’ar skol
Ar skolaerez ar skolaerez
Fellout a ra din mont d’ar skol
Ar skolaerez a zo drol
8
Sod pitilh eo Maria gant al laboused hag ar c’hizhier
Bep Merc’her e vezan ganti o pourmen er parkeier

Fellout a ra din mont d’ar skol
Merc’h ar skolaerez Merc’h ar skolaerez
Fellout a ra din mont d’ar skol
Merc’h ar skolaerez zo ken brav hag ur barr heol.

WAR STER

War ar ster gant va bag
O lavigat O lavigat
War ar ster gant va bag
O lavigat mintin-mat
Ha plop!Va bag a zo troc’holiet
Ha plouf! Va dilhad a zo glebiet

KODOGODOG

Kodogodogog
Kodogodogog
Eme ar c’hilhog
Kodogodogog
Kodogodogog
Kuzhet barzh ar boutog

Gra gra gra
Gra gra gra
Eme ar yar
Gra gra gra
Kuzhet dindan ar c’harr

Kouiñ Kouiñ Kouiñ
Eme ar pousin
Kuzhet e-barzh ar gegin.

BINTA BANTA

1
Binta Banta
Va loan az a
Binta Banta
Ne chom ket a-sav

2 Binta Banta
Hu sou ha diha
Binta Banta
Piltrotat a ra

3 Binta Banta
Daoulammat a ra
Binta Banta
D’an nec’h uhelañ

4
Binta Banta
Daoulammat a ra
Binta Banta
D’an traoñ izellañ

5
Binta Banta
Va loan az a
Binta Banta
Morse ne chom a-sav

TUD AR BED

Tud pinvidik ha tud paour
Toull o roched leun a aour

1
War bern lastez santiago
Vez ket boued vit antonio
Met er City mañ un aotrou
O tispakañ e villiardoù

2
Pa vez sec’hor er Rouanda
Vez bugale ‘tav o lenvañ
E-keit-se e Kalifornia
Ar yaouankiz ’c’h en em strujañ

4
Yaouank flamm ez eo ar fulenn
Klask hec’h arc’hant war ar riblenn
Ar paotr kozh gant e Ferrari
En e ranndi kas anezhi

5
E Sumatra krennoù douar
O lakaat an dud en arvar
Hag e-keit se e Malibou
Dabeuliou Bush e vakañsoù

6
Amaziona vez distrujet
An indianed a vez skarzhet
Er Bodegas e Bro Spagn
Vez an dud o lonkañ cava

TORR-PENN

Anaout a ran ur ganaouenn torr-penn
Torr-penn torr-penn torr-penn
Anaout a ran ur ganaouenn torr-penn…..
Ha torr-revr ouzhpenn

Anaout a ran div ganaouenn torr-penn
Torr-penn torr-penn torr-penn
Anaout a ran div ganaouenn torr-penn ……
Ha torr-revr ouzhpenn

Anaout a ran teir c’hanaouenn torr-penn
Torr-penn torr-penn torr-penn
Anaout a ran teir c’hanaouenn torr-penn …..
Ha torr-revr ouzhpenn

Anaout a ran peder c’hanaouenn torr-penn
Torr-penn torr-penn torr-penn
Anaout a ran peder c’hanaouenn torr-penn ….
Ha torr-revr ouzhpenn

Anaout a ran pemp kanaouenn torr-penn
Torr-penn torr-penn torr-penn
Anaout a ran ur ganaouenn torr-penn
Torr-penn torr-penn torr-penn

VA DOUSIG

Va dousig ! Va lellig !
Nij disoursi betek al loarig
Va dousig ! Va lellig !
Chouch disoursi en da gavellig