Alato! - 2002

Traoñv an teven

Er C’hurnig traoñv an teven
Ez zeus dek brennigenn
Er C’hurnig traoñv an teven
Ez zeus dek brennigenn

Diskan :
Un taol nitrat, un taol fostat
Lalalala laleno
Hag an dra–se n’eo ket
Lalalala lalo

Er C’hurnig traoñv an teven
Ez zeus nav brennigenn
Er C’hurnig traoñv an teven
Ez zeus nav brennigenn

………eizh………

………seizh………

hag all

TAKENNOU DOUR

Diskan :
Takennoù dour
Kant ha mil
War an douar,
Stank, a bil

1
Erru ar goañv
Chomomp er goudor
O c'hortoz an hañv
Prennomp an nor

2
An avel vervent
En noz dizehan
A-us d'an doenn
A sut a gan

3
Dre ar prenestier
E c'hwezh yenijenn
An avel oueler
Atav o klemm

4
Al luc'hed o regiñ
An noz teñval
Hag en tu all d’an ti
Ar c'hurun o strakal

AR SPONTAILHOU

Diskan:
Hou hou setu Jakou
A zo graet gant restachoù
Hou hou setu Jakou
A zo roue ar spontailhoù

1 P’oan o furchal 'barzh ar vodenn
Em eus kavet ur boubellenn
P’oan o furchal 'barzh ar vodenn
Em eus kavet va fenn

2 O tont en-dro deus ar marc'had
Gant va botoù marc'hadmat
O tont en-dro eus ar marc'had
Em eus kavet va daoulagad

3 Ur wech aet tro kein an ti
On bet pilet er poull pri
Ur wech aet tro kein an ti
‘Kreiz va fas em boa ur fri

4 Lakaet va fenn 'barzh ar pod
'Vit gellout lipat ar yod
Lakaet va fenn 'barzh ar pod
A bep tu em boa ur jod

5 Kroget 'm eus 'barzh ar pod-houarn
Lec'h ma poaze lost ul louarn
Kroget 'm eus 'barzh ar pod-houarn
Ha difoupet va divskouarn

6 ‘Barzh ar forn e oa kig-sall
Poazhet ‘barzh ur plad tefal
‘Barzh ar forn e oa kig-sall
A-us d’am fri eo deuet va zal

7 Pignet buan ‘oan en nec'h
Enno e kaven kolo sec'h
Pignet buan ‘oan en nec'h
Evit ober va divrec'h

8 ‘Vit va c'houzoug va muzelloù
En ho ti ma chom restachoù
Evit va c'houzoug va muzelloù
Buan da Jakou kasit keloù

TAD NEDELEG

1
Ur wech ar bloaz
N’eo ket skuizus
Mont da gas
Profoù plijus

Pegen brav !
Pegen brav !
Pegen brav !
Bezañ An Tad Nedeleg

2
Ha mont da bell
N’eo ket enoeûs
Leun ar viñsaskell
A draoù burzudus

3
N'eo ket torr-penn
Nozvezh ar Pellgent
Kas va manikin
'Trezek ar ribin

4
Mat e vefe miret
Nedeleg bemdez
‘Vefen ket enoeet
A-hed ar bloavezh

O ! N'eo ket brav !
N'eo ket brav !
N'eo ket brav !
Bezañ An Tad Nedeleg (x 2)

VA MOBILET

1) Va blev reut ha sec'h
War va fenn moan
A fring atav en nec'h
Evel lost ul loan

Diskan :
Nemet pa 'z an gant va mobilet
Pa 'z an gant va mobi mobi mobi mobi mobilet teu
N'ouzon ket petra ‘zo krog gant ar merc'hed
Pa 'z an gant va mobi mobi mobi mobi mobilet teu
Sot pitilh int ganin, An holl o sellet ouzhin
Atav war benn o daoulin, Huguette ha Francette
Ha zoken Bernadette

2) Va genou ‘zo ken braz
Ha toull ar siminal
Pakañ ‘ra en e ziabarzh
A-bep seurt aneval

3) Va divskouarn ‘zo ken ledan
Ha delioù kaol
Warno e azezan
Pa 'z an ouzh taol

4) Va fri ruz tan glaou
Gant ar yenijenn
Betek Kastell-Nevez-Ar-Faou
A daol e sklerijenn

5) Va divjod a zo ken ruz
Hag ur parkad sivi
Goloet gant gorioù druz
Gwashoc'h vit re Silvi

6 ) Ken bihan va ibilig
Ma 'z eo un druezh
Kemer a ra ur pennadig
Da gavout anezhañ em bragez

AN OLIFANTED

1) Un olifant ruz
O stankañ toull ar puñs
En tu all da Gerguzh

2) Un olifant rous
Dindan ar bern plouz
E kostez Ar Roudouz

3) Un olifant melen
Pignet war ur wezenn
E-kreiz kêr Lesneven

4) Un olifant glas
O vont war an hent bras
Betek beg ar Raz

5) Un olifant louet
Paket en ur gaoued
Barzh iliz ar Faoued

6) Un olifant gris
E-barzh zoo Lanniliz
O c'hortoz ar frankiz

AZEN BETHELEEM

Me a zo ur paour azen
E Bethleem em c'hraouig
Direnket gant un ejen
E-pad va c'houskaig
Ha dre doull an nor
Ha dre doull an nor
Job ar c'halvez ‘lak e fri

Ha dre doull an nor
Job ar c'halvez ‘lak e fri
Amañ ‘vimp er goudor
Deus e-barzh 'ta Mari
O vont da chom edo
Ha ganti leun a drouz

O vont da chom edo
Ha ganti leun a drouz
Peseurt reuz a vezo
Na pa zeuio ar marmouz
Hanternoz oa sonet
‘Pa zifoupas ar c'hrouadur

Hanternoz oa sonet
Pa zifoupas ar c'hrouadur
Bremañ ne c'hellin ket
Kousket kasi sur
Em zi nag a avel
Gant va amezeg an ejen

Em zi nag a avel
Gant va amezeg an ejen
O c'hwezhañ war ar bugel
Da gas kuit ar yenijenn
Me ne raen ket van
Rak me ‘zo berralan

Me ne raen ket van
Rak me ‘zo berralan
N'eo ket ‘vel an deñved
A zo nevez erruet
Ganto ar bastored
Trompilh ha tamboulin

Ganto ar bastored
Trompilh ha tamboulin
Gouel ha friko ganto
Ha setu tri furlukin
Unan zo melen-glañv
Unan ruz gant ar vezh

Unan zo melen-glañv
Unan ruz gant ar vezh
Unan ‘deus rouzet 'hed an hañv
Evit doare int rouaned
Tudoù m'ho peus c'hoant
Ober ur c'houskaig

Tudoù m'ho peus c'hoant
Ober ur c'houskaig
Arabat deoc'h-c'hwi dont
E Bethleem em c'hraouig
‘Vit Nedeleg an azen
La la la la la le no
Karotez ha melchenn
Ha trouz forzh pegement
Hag un nozvezhiad gant un ejen

LOENED FALL

1
Al louarn war e veno
Ouap dou bi dou ouap
En defe spered bras
Ouap dou bi dou ouap
Me lavar krenn ha kras
N’eus sotoc’h loen er vro
Ouap dou bi dou ouap
Ouap dou bi dou ouap
ou ou ou ou…..

2
An danvad diouzh e glevet
Ne rafe droug da zen
Me soñj hennezh ‘ra ken
‘Met dispenn e genseurted

3
Ar pemoc’h ‘ta un all
Na pebezh tamm brabañser
‘Zo dreber kaoc’h ar flaerier
Ha c’hoazh e gred va zamall

4
Ar marc’h a zo ur glapez
Gourrizier genoù bras
‘Vin ket pell ouzh e gas
Da sutal war ar menez

5
Ha bremañ tro ar c’hi
Atav stag ouzh e log
A sent ouzh mistri rok
Ouzh ar chas ‘m eus ket avi

6
Ar c’hazh ker spontus all
A vez o lazhañ logod
Pa n’eus ket bet e lod
Kerkent e krog da viaoual

PEUR
Brezel

Diskan :
Peur e c'hwezho an avel foll
Avel ar c’harantez c’harantez diroll
Peur e savo an heol dan
Heol ar c’harantez c’harantez dizehan

1
E broioù nepell
E strak ar brezel
Petra ‘lavar an dud ?
Chom a reont mut

2
Er bed a-bezh
'N em led an dienez
Den ne daol evezh
Ma n'eo ket ur vezh!

3
Dindan an naon vil
Ar pobladoù a bil
‘Kas ul lodenn war-gil
Lod all a-istribilh

AR SOTAÑ YANNIG
1
Me eo ar sotañ Yannig
‘Zo bet biskoazh er bed
‘Zo paeañ ur mevelig
‘Vit kousket gant va gwreg

Diskan :
Fardigoudennig tra lalala
Fardigoudennig ye ye
Fardigoudennig tra lalala
Fardigoudennig ye ye

2
Va gwreg ha va mevelig
O deus un Opel Kadett
Ha me ar paour-kaezh Yannig
‘Roul war ur traotinet

3
Va gwreg ha va mevelig
A ya da Eurodisney
Ha me a chom er gêr
Vit ober ar mickey

4
Va gwreg ha va mevelig
A c’hoari gant Lego
Ha me ar paour kaezh Yannig
A c’hoari gant Duplo

5
Va gwreg ha va mevelig
A sell ouzh an Titanic
Ha me ar paour kaezh Yannig
A sell ouzh Fañch Broudig

6
Va gwreg ha va mevelig
A sell ouzh TV Breizh
Ha me ar paour kaezh Yannig
A labour noz ha deiz

7
Va gwreg ha va mevelig
O vakañsiñ er Balear
Ha me ar paour kaezh Yannig
O labourat er gêr

ANKOU KOKADIZ

Diskan:
Kanomp a stroll
Dre ar bed holl
Skeud an ankoù kokadiz
A ranko tec'het war e giz

1
Ar c'hleñved-red
En em led dre ar bed
An arc'hant divergont
En em sil e pep kalon

2
Saotrañ a reer bemdez
An dour hag an douar
Saotrañ a reer aes
Ar speredoù klouar

3
Mevelien ar stlabez
A yelo en o bez
Ha petra war o lerc'h
Nemet ludu ha blev sec'h

4
Poent e vefe echu
Ar "pep hini diouzh e du"
Rak ne bado ket pell
Ar "sach an hini ma c'hell"

5
Poent eo kregiñ e-barzh
Ret eo cheñch penn d'ar vazh
Echu gant ar strambouilh
Ha renerezh ar strouilh

AR BLEIZ DIWEZHAN

Me eo ar bleiz diwezhañ
A zo e Breizh o vevañ
Ar re-all zo bet paket,
Barnet, krouget ha devet.

Tamallet ‘oa bet outo
Lonkañ holl deñved ar vro
Gwashañ ‘zo bugaligoù
Mammoù kozh ha merc’hedigoù

Diskan: ou ou ou

Brasoc’h, gwashoc’h tamalloù
Ar bleiz, mevel an diaouloù
‘Gas d’ar sabat ar sorserien
Ar bleiz, genoù an ifern

Brasoc’h tamall ‘oa c’hoazh
Kas ar bed war an noazh
Lonkañ an heol hag al loar
Ankou, mestr war an douar

Diskan

Vito ‘z eus stignet pezhioù
Lasoù-krog, graet toulloù
‘N’o c’hig lakaet arsenik
Ha striknin en o lambig

Tud yudas dre ar c’hoadoù
Ganto a bep seurt armoù
Roet dezho arc’hant hag aour
‘Vit pakañ al loened paour (x 4)

AN TROIOU-LAVAR

Diskan :
Rak en ur gomz brezhoneg
Ne vezer ket genaoueg
Oc'h implij troioù-lavar
Leun a fent, leun a gounnar

Alota tud Bro-Wened!!
An hanter eus ar yec'hed
A zeufe eus ar c'housket
Da chouch dindan ar c’holc'hed!!!

Alota tud Bro-Welo
Evit toare ur sac'h goullo
Ne chom ket en e sav
Dreist-holl pa vezer mezv

Alota tud Bro Bagan
Deuit-ta da zebriñ koan
Ma ne rit ket kof moan
Ne bakoc'h ket ar boan

Alota tud Bro Gerne
Gant dale e ranker bale
‘Vit pakañ louarn pe gad
Ret sevel mintin mat

Alota tud Bro-Dreger
Gant ar boan hag an amzer
A-benn 'bep tra e teuer
Ne vezit ket dibreder

Alota tud Bro Baris
Kant parrez ha kant iliz
Kant maouez ha kant iviz
E-mod-se eo ar Frankiz

BLAZ AN DOUAR

Diskan :
Blaz an douar a zo ganti
Liv ar mor a zo warni
Divalav 'vez tachadoù
Gwall gaset a-wechoù

Brezhoneg, va yezh
Bezañ an-unanig
An dra-se n'eo ket aes
En ur vro ken gouez

Pa rank lakaat an dud
Da c'houzout n'eo ket mut
He fouez-mouezh a ziroll
Strakal 'ra en avel foll

Pa fring an troioù lavar
Gant ar fent, gant ar gounnar
'Vez ket pell ar goapaer
O kas an dorzh d'ar gêr

Pa rank kanañ laouen
E trid evel un delenn
O hadañ e pep kalon
An eurusted wirion

Ar garantez, pa gan
E liorzh ar gerioù tener
'Lak ar bleunioù da ziwan
War vuzelloù ar c'haner

A-dreuz ar c'hantvedoù
Dismegañs ha brezelioù
Deus graet eus ar brezhoneg
Ur yezh taer ha kaloneg