Me eo Ar bleiz diwezhañ
A zo e Breizh o vevañ
Ar re-all zo bet paket,
Barnet, krouget ha devet.

Tamallet ‘oa bet outo
Lonkañ holl deñved ar vro
Gwashañ ‘zo bugaligoù
Mammoù kozh ha merc’hedigoù

Brasoc’h, gwashoc’h tamalloù
Ar bleiz, mevel an diaouloù
‘Gas d’ar sabat ar sorserien
Ar bleiz, genoù an ifern

Brasoc’h tamall ‘oa c’hoazh
Kas ar bed war an noazh
Lonkañ an heol hag al loar
Ankou, mestr war an douar

Vito ‘z eus stignet pezhioù
Lasoù-krog, graet toulloù
‘N’o c’hig lakaet arsenik
Ha striknin en o lambig

Tud yudas dre ar c’hoadoù
Ganto a bep seurt armoù
Roet dezho arc’hant hag aour
‘Vit pakañ al loened paour

Loened fall

1
Al louarn war e veno Ouap dou bi dou ouap
En defe spered bras Ouap dou bi dou ouap
Me lavar krenn ha kras
N’eus sotoc’h loen er vro
Ouap dou bi dou ouap
Ouap dou bi dou ouap
ou ou ou ou…..

2
An danvad diouzh e glevet
Ne rafe droug da zen
Me soñj hennezh ‘ra ken
‘Met dispenn e genseurted

3
Ar pemoc’h ‘ta un all
Na pebezh tamm brabañser
‘Zo dreber kaoc’h ar flaerier
Ha c’hoazh e gred va zamall

4
Ar marc’h a zo ur glapez
Gourrizier genoù bras
‘Vin ket pell ouzh e gas
Da sutal war ar menez

Diskan x 2

N' am eus ket aon

1
Ne lakin ket va chupenn
N’em eus ket aon N’em eus ket aon
Ne lakin ket va chupenn
N’am eus ket aon Rak ar yenijenn

2
Ne lakin ket va mantell
N’am eus ket aon rak an avel

3
Ne lakin ket va c’habig
N'am eus ket aon rak ar glavig

4
Ne lakin ket va heuzoù
N'am eus ket aon rak ar poulloù

5
Ne lakin ket va boned
N'am eus ket aon rak al luc’hed

Boudouboudouboum takadadadakak
Opopop ar c’hurun a strak

Ha Gwelloc’h eo ganin
Lakaat mantell, lakaat vestenn
Ha Gwelloc’h eo ganin
Lakaat kabig, Lakaat heuzoù,
Ha Gwelloc’h eo ganin
Lakaat mantell, vestenn, kabig, heuzoù, boned hag all

Morig ha Poullig
Pa teu c’hoant din d’ober morig
Gervel a ran tadig ha mammig
Vit reiñ din kerkent ar podig
Din d’ober buan va foullig

Setu graet ganin ‘n dakennig
Benn nebeut e vo leun ar podig
Setu graet ganin un dakennig
Benn nebeut e vo morig er podig

1) Touristed Martoloded
Diwallit d'ar baoted
Diwallit d’ar pesked
D’ar plastik bannet

Ar meurvor ! Ur boubelenn ? N'eo ket ! N’eo ket !
Ar blanedenn a rankomp saveteiñ
Evit alaniñ, ret eo he gwareziñ
Dorn ha dorn ! Holl asambles !
Skoaz-ouzh-skoaz gant madelezh !

2) Indianed Marmouzed
gant Bolsonaro skarzhet
Koadeier distrujet
Loened gwallgaset

Amazonia ! Ur fornigell, N'eo ket ! N‘eo ket !
Ar blanedenn a rankomp saveteiñ
Evit alaniñ, ret eo he gwareziñ
Dorn ha dorn ! Holl asambles !
Skoaz-ouzh-skoaz gant madelezh !

3) Inuited Balumed
Gant an tommder beuzet
Morskorneg teuzet
Arz polel lazhet

Ahel an norzh ! Un drovan ! N'eo ket ( 2 wech)
Ar blanedenn a rankomp saveteiñ
Evit alaniñ, ret eo he gwareziñ
Dorn ha dorn ! Holl asambles !
Skoaz-ouzh-skoaz gant madelezh !

PEGEN BRAV

1
Ur wech ar bloaz
N’eo ket skuizus
Mont da gas
Profoù plijus

Diskan :
O pegen brav, pegen brav, pegen brav
Bezañ An Tad Nedeleg

2
Ha mont da bell
N’eo ket enoeûs
Leun ar viñsaskell
A draoù burzudus

3
N'eo ket torr-penn
Nozvezh ar Pellgent
Kas va manikin
'Trezek ar ribin

4
Mat e vefe miret
Nedeleg bemdez
‘Vefen ket enoeet
A-hed ar bloavezh

Diskan :
O ! N'eo ket brav ! N'eo ket brav ! N'eo ket brav !
Bezañ An Tad Nedeleg (x 2)

TUD AR BED

1
K: War bern lastez Santiago
Vez ket boued ‘vit Antonio
D: War bern lastez Santiago
Vez ket boued ‘vit Antonio
K: Met er City ‘mañ un aotrou
O tispakañ e viliardoù 1 2

Diskan :
Tud pinvidik ha tud paour,
Toull o roched, leun a aour
Tud pinvidik ha tud paour,
Toull o roched, leun a aour

2
Pa vez sec’hor er Rouanda
Vez bugale ’tav o leñvañ
E keit se e Kalifronia
Ar yaouankiz oc’h en em strujañ

3
E Sumatra krenoù douar
O lakaat an dud en arvar
Hag e-keit-se e Malibou
Donald Trump ...... e vakañsoù

4
Amaziona vez distrujet
An Indianed a vez skarzhet
Er Bodegas e Bro Spagn
Vez an dud o lonkañ champagn

Pok-ha-pok

Ne blij ket din
Pokoù va c’hoar
Ganti vez pokoù gleb ha klouar

Ne blij ket din
Pokoù va breur
Gantañ vez pokoù n’eus forzh peur

Ne blij ket din
Pokoù va zad
Gantañ vez pokoù marc'had-mat

Ne blij ket din
Pokoù va c’hi
Gantañ vez pokoù leun a vec’hi

Ne blij ket din
Pokoù va c’hazh
Gantañ vez pokoù hag a lazh

Plijout a ra din
Pokoù va mamm
Ganti vez pokoù kouign amann

Plijout a ra din
Pokoù va dous
Ganti vez pokoù c’hwek ha lipous

TRO AN TI

Ober ran tro an ti
Serriñ a ran ar boliji
Sec’hañ va div votez Hag un dro d’an alc’hwez
Digeriñ ran an dor
Ha plop! Er goudor!